Protexemos os animais

  O alumnado da aula de Audición e Linguaxe elaborou nos intres libres das sesións un mural conxunto sobre os cans e cadelas máis famosos do cine e da televisión . Cada alumno e alumna escolleu o seu can ou cadela favorito e decorouno, despois tiñan que pegalo nunha cartolina poñendo o seu nome e a súa raza.   No mural podedes atopar as personaxes máis famosas dos debuxos da Patrulla Canina: Chase, Everest, Marshall, Skype, Zuma, Rocky e Rubble; e os protagonistas de series ou películas como: Scooby Doo, Pluto, Odie ou Reina.  Con esta actividade tan divertida aproveitamos a traballar a psicomotricidade fina e a lectoescritura, ademais de incidir nas características físicas máis salientables de cada unha destas razas: Dálmata, Mestizo, Husky, Pastor Alemán, Bulldog, Labrador, Cavalier, Gran Danés, Beagle, Bloodhound e Cocker.   O mural quedou exposto no taboleiro da nosa aula e luce así de bonito!!!

O alumnado de sexto estamos realizando unha investigación sobre Charles Darwin. A través da figura deste naturalista aprendemos moitas cousas sobre as diferentes especies animais que foi descubrindo ao longo da súa viaxe en barco.

Despois do moito que traballamos o conto do Coelliño Branco, os nenos e nenas de 1ºB coa axuda da nosa titora e a colaboración da mestra de Audición e Linguaxe, decidimos poñerlle o broche final a esta historia tan fermosa facendo a nosa propia versión da mesma, sen perder a esencia dos valores da amizade e axuda aos demais que tan ben nos transmite.  Deste xeito e empregando as técnicas de Gianni Rodari a través das súas hipóteses fantásticas, deixamos voar a nosa imaxinación fomentando a escritura creativa e o traballo tanto por parellas como por equipo, de modo que non se perdera o fío condutor do conto, onde os animais continúan sendo os principais protagonistas .   Con este traballo continuamos desenvolvendo o gusto pola lectura e implicamos tamén ás familias, xa que o iremos levando ás nosas casas para facerlles partícipes do noso conto. Deste xeito tamén poñemos en práctica as nosas habilidades de comprensión lectora e expresión oral e escrit...

Este ano, o tema elixido polo centro para celebrar o entroido foi o mundo dos animais , polo que cada un dos nenos e nenas de 1ºB escollemos un dos moitos animais que traballamos na área de ciencias para elaborar a nosa  máscara e, unha vez feitas, expuxémolas no corredor. Este foi o resultado:

  O alumnado de Infantil e Primaria que acode a aula de AL aproveitou os momentos libres nas sesións de estimulación da linguaxe para traballar a simetría, propiciando un bo sentido dos principios xeométricos e o uso das súas destrezas de razonamento matemático.  Escolleron distintos animais domésticos e salvaxes e realizaron actividades diferentes para traballar a simetría, ademais de identificar as partes do corpo de cada animal e os seus rasgos máis característicos.  O traballo do alumando quedou exposto no taboleiro da aula de AL.

   Na aula de Audición e Linguaxe estivemos traballando a comprensión lectora a través de contos con temática animal, máis concretamente sobre animais domésticos. Para afianzar os nosos coñecementos traballamos a identificación das partes do corpo (boca, orellas, bigotes, patas dianteiras e traseiras unllas e cola) dun can no caso do alumando de 1ºB e dun gato o alumando de 6º de Infantil.     Tiñan que pintar con pintura de dedos cada unha das partes dos animais e despois pegalas formando os corpos de ditos animais sobre unha cartolina grande. Para rematar a actividade tiñan que escribir o nome de cada unha das súas partes ben diferenciadas e explicar coas súas palabras a súa funcionalidade.   O traballo quedou exposto no taboleiro da aula de audición e linguaxe.