Protexemos os animais

Os alumnos e alumnas de 1ºA estábamos desexando coñecer o desenlace da historia da cadeliña Lua, encantounos que rematara ben e fora acollida nun fogar no que vai a estar moi ben atendida e lle van a dar moito cariño. Pero... Cales son os coidados que precisan as nosas mascotas? Son moi diferentes aos coidados que precisamos nós? Despois de que nos xurdiran estas dúbidas puxémonos a traballar... Con esta actividade démonos conta que as nosas mascotas precisan moitas cousas e teñen case as mesmas necesidades ca nós. E o resultado final do noso traballo quedou exposto no taboleiro do corredor da nosa aula. 

Os alumnos e alumnas de 1ºA escoitamos o conto de Lua, unha cadeliña abandonada na rúa... Despois de escoitalo fixemos unha chuvia de ideas de cales poderían ser os sentimentos e emocións de Lua cando se atopaba soiña na rúa e cando foi acollida no refuxio.  Estamos impacientes por coñecer o final da historia de Lua...

Os alumnos e alumnas de 1ºA visitamos as instalacións do "Aquarium Finisterrae". Tivemos unha visita guiada na que aprendemos moitas cousas interesantes sobre os animais mariños.  Na clase traballamos a importancia de non tirar os plásticos ao mar, e no acuario volvéronnos a lembrar que é moito o lixo que aparece nos nosos océanos...  Por iso gustounos moito descubrir que co lixo que se atopa no mar pódense facer cousas tan fermosas como estas... Outra das cousas que tamén nos encantou foi ver como comen as focas.

Os alumnos e alumnas de 1ºA fixemos un debuxo das nosas mascotas para presentarllas aos compañeiros. Tamén falamos de como se chamaban, dos anos que tiñan e dos coidados que precisan. Despois expuxémolas no corredor da nosa aula para que o resto de compañeiros do colexio podan ver o noso traballo.

Os alumnos e alumnas de 1ºA comezamos o proxecto " PROTEXEMOS OS ANIMAIS " coa visita ao colexio dos veterinarios da clínica "Albeitar", que viñeron o martes 11 de decembro, acompañados de dous canciños e que nos amosaron todos os coidados que lles dan aos animais que pasan pola súa clínica.

Estivemos traballando a discriminación figura-fondo de siluetas dos animais domésticos e animais da granxa . Os nenos e nenas de 6º de Infantil B axudaron a mestra a facer a escolla das siluetas dos distintos animais: can, gato, galiña, coello.... para logo elaborar unhas fichas onde tiñan que atopar todas as siluetas iguais ao modelo dado e outra onde tiñan que unir a imaxe do animal coa súa silueta. Ademais preparamos outra actividade a través da app Canva para traballar as distintas razas de cans que vimos na clase, onde debían colocar un gomet na silueta do animal que tiñan como modelo. Con estas actividades ademais do traballado tamén contribúen a potenciar a atención, a concentración, a memoria, a coordinación óculo-manual, orientación espacial, conceptos básicos... 

 O alumnado de 6º de Infantil B e 1ºB escolleu as imaxes dos distintos animais domésticos e salvaxes que estivemos traballando na clase para traballar a conciencia fonolóxica mediante un xogo que elaboramos na aula de AL a través da app CANVA. Cada vez que se tira o dado e sae un número teñen  que poñer a súa ficha no dado con ese número e asociar a imaxe coa sílaba pola que comeza o nome do animal que aparece en cada imaxe. Os animais son: Can, gato, porco, vaca, coello, cabra, cabalo, gorila, elefante, tigre, lobo e león.

  Para traballar a adquisición, interiorización e xeneralización á linguaxe espontánea dos distintos fonemas  e para mellorar a nosa articulación , na aula de AL o alumando de 6º de Infantil e 1ºB fixeron unha escolla dunhas imaxes de distintos animais domésticos (da granxa ),    salvaxes (da selva)  e do Polo   e coa axuda da mestra a través do notebook elaboramos uns sudokus e un dominó para xogar e traballar na aula. A través destes xogos traballamos a atención, a concentración, a memoria, a expresión oral...

    Traballamos a identificación e recoñecemento das pegadas dos animais domésticos e da granxa, para facelo o alumnado de 6º de Infantil B seleccionaron as imaxes dos animais e as pegadas elaborando unha ficha onde tiñan que relacionar e unir as pegadas co animal correspondente. Además de aprender moito sobre os animais domésticos e os animais da granxa tamén traballamos moitos aspectos coma a  atención, a concentración, a motricidade fina, a coordinación óculo-manual, orientación espacial...

 Na aula de Audición e Linguaxe o alumando de 6º de Infantil B e 1ºB debuxamos as nosas mascotas, puxemos os seus nomes e contamos moitas cousas sobre elas como: os seus coidados e necesidades, a importancia de ter unha mascota...Ademais traballamos o conto do "Perro López" a través da dramatización, escollendo o seu protagonista coma a mascota da aula de Audición e linguaxe. Ademais entre todos fixemos a caseta do Perro López e decoramos un mural sobre dita temática onde quedaran expostas as nosas mascotas.

Hoxe recibimos a visita das veterinari@s ao cole. Contáronnos a través dunha presentación o seu traballo cos animais , os coidados e servizos que dan a todas as mascotas que chegan á súa clínica e unha chea de cousas interesantes dos animais. Foi moi divertido e ademais puidemos saudar e xogar con Curro e Alma.