Historia Cadeliña Lúa

 Aproveitando a nosa participación nas distintas actividades levadas a cabo no centro en relación a temática dos animais do Plan Proxecta no que estamos inmersos coma: a visita das veterinari@s e a charla da Protectora de animais Gatocan traballamos sobre a historia da Cadeliña Lúa. Unha historia que nos narra o abandono que sofre Lúa, as cousas que lle suceden e como despois de estar nun refuxio de animais acaba sendo adoptada por unha familia. 
 A finalidade da actividade foi facer unha chuvia de ideas sobre o que sabemos dos cans e as súas necesidades pensando en que como nós necesitan moitas cousas para poder sobrevivir.

 Para rematar a actividade o alumnado tiña que facer un debuxo da súa mascota realizando algunha actividade propia da rutina diaria do seu coidado no ámbito familiar como: darlles de comer, xogar con elas, pasealas... para conciencialos da importancia das necesidades das mascotas ao igual que as súas propias.