Protexemos os animais

Despois de varios días traballando o conto do Coelliño Branco xa temos o resultado do noso traballo arredor das personaxes protagonistas do conto, traballo que da boa mostra das grandes habilidades artísticas que teñen os nenos e nenas de 1ºB.  As imaxes amósanvos un chisquiño da boa fauna se montou na aula:

Traballamos en plástica as partes dun gato, mediante un puzzle que fixemos e que logo recortamos e pegamos en folios. Escribimos tamén as partes máis importantes dun gato, e falamos de para qué servían cada unha delas.

Aproveitando o entroido, e que este ano o tema escollido polo centro para a sua celebración foron os animáis, cada neno da clase escolleu duas máscaras de animais para decoralas. Unha máscara foi dun animal doméstico, e a outra dun animal salvaxe. O rematar o entroido fixemos con elas un cartel diferenciando entre animáis domésticos e salvaxes.

Con motivo do 21 de marzo (día mundial da poesía), o alumnado de sexto estivemos elaborando poemas de diferentes animais en perigo de extinción. Aquí tendes unha pequena mostra:

Os alumnos de 1C, xunto co alumnado de Sexto fixemos unha visita a granxa O Cancelo, na que nos explicaron cómo foron capaces de conseguir unha granxa sostible, pensando no benestar das vacas e dos seus outros animáis. Na visita, o primeiro que fixemos foi degustar a sua leite fresca, e fixemos batidos coa leite e diferentes froitas. Despois visitamos a granxa na que puidemos ver un cabalo, dous burros, tres ovellas e por último as súas vacas cos seus tenreiros.

Esta semana os nenos e nenas de 1ºB recibimos unha carta na nosa caixa de correos de aula na que unha protectora de animais solicitaba a nosa axuda para darlles visibilidade aos cans que teñen en acollida e axudarlles a encontrar unha familia que estea disposta a darlle os coidados que precisan.  Moi emocionados e comprometidos ca nosa labor, puxémonos mans á obra. A carta viña acompañada de varias imaxes dalgúns dos cans que alí acollen, polo que o primeiro paso foi adxudicar un can a cada neno/a. Unha vez descuberto o que lles tocou, buscamos na páxina web da protectora a información que nos proporcionaban acerca deles. Finalmente, elaboramos os carteis  recollendo as súas características .  Así de vistosos quedaron: